Establiment d'ensenhament superior occitan

L'establiment d'ensenhament superior occitan APRENE se trapa dins los locals de l'Ostal de la Vida Associativa a broa d'Òrb e a 10 minutas a pè de la gara.

APRENE, creat lo 26 de febrièr de 1995 a Montpelhièr, enregistrat al Jornal Oficial de la Republica Francesa lo 19 d'abril de 1995, es jos convencion amb lo Ministèri de l'Educacion Nacionala dempuèi lo 6 de mai de 1996. Es imatriculat al Repertòri Nacional dels Establiments jos lo n°034 2007X.

Es afiliat a l'Institut Superior de las Lengas de la Republica Francesa mercés una convencion signada lo 15 d'octòbre de 1997. Creat en 1997, l'SLRF1 asempra los cinc malhums d'escòlas immersivas en lengas regionalas per la mesa en plaça de la formacion de sos regents. Son ABCM-Zweisprachigkeit per l'alsacian/moselan, Seaska pel basc, Diwan pel breton, Bressola pel catalan et Calandreta per l'occitan. Dempuèi lo 28 de julh de 1997, una convencion ligava aquel establiment d'ensenhament superior amb lo Ministèri de l'Educacion Nacionala. Pr'amor de la reforma dicha de „masterizacion“, doas novèlas convencions son estadas signadas en 2011 amb lo Ministèri de l'Ensenhament Superior d'un latz e amb lo Ministèri de l'Educacion Nacionala d'autre latz.

Lo caractèr pròpri dels establiments qu'emplegan aqueles regents es l'accès dels mainatges al bilingüisme mercés l'immersion en lenga regionala.

Lo de las escòlas Calandreta es definit per la carta de las Calandreta.

Aquel caractèr pròpri, de natura cognitiva (car mena a l'acquisicion de competéncias lingüisticas suplementàrias pels mainatges) e de natura pedagogica (car indusís una atituda pedagogica adaptada) genera d'especificitats que devon èsser presas en compte al moment de la formacion dels regents.

APRENE, Maison de la vie associative de Béziers Boita116, 15 rue du Général Margueritte 34500 Béziers. Téléphone : 04 67 28 75 36 | Fax : 04 67 28 75 39 | corriel : aprene(a)aprene.org