Conselh scientifc

Lo 2 de julhet de 2011, a Montpelhièr, APRENE acampèt son Conselh Scientific.
L'Establiment d'Ensenhament Superior APRENE existís dempuèi 16 ans, son ròtle èra sustot lo de centre de formacion pedagogica dedicat a la preparacion al concors. Gràcias a la cultura associativa, pedagogica e lingüistica espelida dempuèi mai de trenta ans dins las escòlas e las classas Calandreta, bastiguèrem una formacion exigenta e qu'a provat son eficacitat. Las condicions càmbian : l'encastre novèl nos quicha a créisser mas nos daissa la libertat de pachar amb una universitat, e de trabalhar amb d'universitaris, d'associatius e de praticians dins un conselh scientific ric e dobèrt.
Es una ocasion formidabla : anam poder definir, apregondir e balhar de carn als 5 sectors recèrca d'APRENE, nascuts dempuèi qualques annadas, coma los domenis onte bailejam una experiéncia, amai una expertisa particulara : Immersion, Pedagogia Institucionala, Familhas de Lengas, Istòria, Matematicas
Lo master que bailejam amb l'UPVD nos balha ara la possibilitat d'èsser mèstres dels ensenhaments dins nòstres domenis.
Anam poder aital bailejar, acompanhar e faire náisser de recèrcas e de publicacions scientificas de mercé al formidable laboratòri per la pedagogia e per l'immersion que son las nòstras classas Calandreta.
Lo Conselh Scientific d'APRENE ne serà lo crusòl, tot d'estrambòrd e de rigor !

Patrice BACCOU Director de l'Establiment APRENE Institutor Sòci del grop pedagogic ChamPI	Pierre BARRAL Responsable de la formacion TICE Mèstre de conferéncias onorari de l'Universitat de Lemòtges Sòci del CA d'APRENE	Myriam BRAS Co-responsabla de las formacions a la lenga occitana Professor en sciéncias del lengatge a l'Universitat de Tolosa II Lo Miralh Sòcia del CA d'APRENE
Xavier FERRÉ Responsable de la formacion Familhas de Lengas Professor de las escòlas Paissèl-Ajudaire	Denis FIZE Cercaire en sciéncias cognitivas al CNRS de Tolosa Sòci del CA d'APRENE	Philippe JOULIÉ Responsable de la formacion Matematicas Professor de las escòlas Paissèl-Ajudaire Sòci del Burèu associatiu d'APRENE
Pierre-Johan LAFFITTE Responsable pedagogic de las formacions Paissèls-Ajudaires Mèstre de conferéncias en sciéncias del lengatge a l'IUFM de l'Universitat Jules Verne de Picardia Semiotician	Christophe LEBÈGUE Cargat del seguit de las formacions Sòci del Burèu associatiu d'APRENE	Corinne LHÉRITIER Responsabla de la formacion TFPI Professor de las escòlas Paissèl-Ajudaire
Cecilia MORANDAT Sòcia del Burèu associatiu d'APRENE	Patrice POUJADE Professor d'Istòria modèrna a l'Universitat de Perpinhan	Maurice ROMIEU Co-responsable de las formacions a la lenga occitana Mèstre de conferéncias onorari en occitan a l'Universitat de Pau e del Pais de l'Ador
Pascal THOMAS Professor de Matematicas a l'Universitat de Tolosa III	Florian VERNET Co-responsable de las formacions a la lenga occitana Professor emerite en occitan de l'Universitat de Montpelhièr III