Congres sus era transmission dera lenca

Congrés deth 20 e 21 de noveme 2009 a Tarba : « la transmission naturau e familiau de la lenga occitana e de las lengas regionaus o minoritàrias en Euròpa »

Aqueste congrès qu’estè organizat peth IEO e eth malum europèu NPLD. Que s’i parlè dera transmission familiau e naturau deras lencas ditas regionaus

Que s’i mesclèn testimoniatges viscuts, estudis istorics e situacions de politicas volontarista. Qu’èran arrepresentats eths occitans tots, eths bretons, eth bascos mes tanben eras lencas balticas, eths finlandés, eths galés, eths suedés e eths galicians.

Qu’ei çò qui hasó qu’era transmission estè abandonada pera familhas ? Que s’avisam dab eths testimoniatges e eths estudis qu’era transmission pòt sautar ua generacion.

Era transmission qu’estè en cèrtes endrets copada non solament per politicas volontaristas d’erradicacion d’ua lenca, mes tanben per rasons socialas, economicas e tanben psicologicas. Aquera trencadura ena transmission n’estè pas sense consequéncias sus eths locutors : estudis son estats hèits sus patologias desvelopadas après ua impausicion de lenca ath detriment d’ua auta, e eras arrepercussions sus eras generacions seguentas.

Eras arrealitats de cada lenca minoritària que son diferentas. Que i a regions, coma per exemple en Finlàndia on las lencas minoritàrias son sostiencudas politicament. D’autas on n’an pas eth sostié politic mes on son apitadas aisinas diferentas entà transméter la loa lenca. Eths Galés, per exemple, mes tanben eths Bretons, eths galicians e eths Irlandés (dab eth Gaëlic) que basteishen aisinas escolaras e periescolaras. Entaus Bretons, per exemple, qu’ei abans la naishença deus mainats que la comunicacion e l’informacion e’s hè sus las diferentas possibilitats qu’an los pairs entà portar era lenca ath còr dera familha.

Las intervencions qu’estèn vertadièrament d’un riquèr gran, tant d’un punt de vista emocionau com d’ua presa de consciéncia, ath dia-D aniversàri dera mesa ara signatura dera Convencion Internacionau deths drets deths mainats.