La primièra annada de formacion

Los candidats acceptats a la Jurada, auràn d’estagis teorics a Besièrs e d’estagis de practica professionala acompanhada en classa (dins quatre a sièis establiments diferents long de l’annada escolara). Viurà de moduls d’almens quatre setmanas consecutivas dins cadun dels tres cicles de l’ensenhament del primièr gra. Aital lo candidat aurà la possibilitat de costejar la màger part dels aspèctes del mestièr qu’a idèa de practicar. Sas competéncias lingüisticas s’afortiràn que las escòlas ont va anar fan en occitan.En estagi a Besièrs, la lenga es tanben l’occitan. L’avaloracion de cap de primièra annada que practica APRENE es un examen de las conoissenças e lo bilanç de las avaloracions de practicas de classa. Lo conselh d’Administracion d’APRENE, assabentats del vejaire dels Paissèls e segon los resultats de l’examen, validan o pas la primièra annada.